Kategoriaj arkivoj: Poezio
Nicolau Dols Salas, Traduko de poezio – ĉu ĝi vere perdiĝas?
Humphrey Tonkin pri Marjorie Boulton
Okaze de la 90-jariĝo de Marjorie Boulton (7 majo 2014), Humphrey Tonkin prelegis pri ŝia verkaro en la 40-a Malferma Tago de la Centra Oficejo de UEA la 10-an de majo 2014.
2-a Literatura Konkurso Paulo Silas
Legu pli en la retejo de BEJO.
Al la Juda Foririnto
de Lodewijk Cornelis Deij
Li fermis la kofron, manpremis—adiaŭ!
Sen ia protesto li iris . . . Hodiaŭ
mi tion komprenas; li povis nur miri,
ke mi, la kristano, lin lasis foriri.Kun kapo klinita la kofron li portis.
Li iris la vojon al Auschwitz kaj mortis
sen ia protesto . . . Li povis nur miri,
ke mi, la kristano, lin lasis foriri.Kaj iam la filo kun filo parolos,
kaj tiu demandos, la veron li volos.
La mia silentos . . . kaj povos nur miri,
ke mi, la kristano, lin lasis foriri.Ni sentis kompaton kaj monon kolektis,
dum kelkaj el ni la infanojn protektis.
Sed Auschwitz ekzistis! Nu, kion plu diri?
Ke mi kaj ke vi . . . ni lin lasis foriri.
Antaŭ 130 jaroj naskiĝis Julio Baghy
Kokcinelo, kokcinelo,
skarabeto de l’ ĉielo,
onidir’ pri vi raportas,
amajn pensojn vi disportas.
Flustru al mi kies amo
sendis vin al mia mano?
Ĉar poeton centoj amas,
lia kor’ por centoj flamas.
Legi plu Antaŭ 130 jaroj naskiĝis Julio Baghy
IKU 2012: Humphrey Tonkin pri Esperanto-poezio
“Movado aŭ kulturo? La ideologia bazo de la Esperanto-poezio”
Prelego de Humphrey Tonkin en la Internacia Kongresa Universitato de la 97-a UK en Hanojo la 31-an de julio 2012.
VK 2020: Aŭtora Momento kun Miguel Fernández
Mia penso – de Carmel Mallia
Carmel Mallia hodiaǔ festas la 91an datrevenon de sia naskiĝo. Li naskiĝis la 9an de novembro 1929 en Malto, publikigis multajn librojn kaj gajnis literaturajn premiojn. Liaj poemoj aperis ankaǔ en Esperanta Antologio redaktita de William Auld
Mia penso
Ĉirkaŭata
de l’ silenta harmonio de l’ naturo,
dancas mia pens’ kun sia memo
al la ebriiga ritmo ĉiutaga.Mi sentas mian penson
puriĝanta,
kiel en la tutunua sunleviĝo
disiĝis de la ter’ la firmamento.Ĝi nudas, kiel en Edeno paradiza
sin mem amante.
Ĝi triumfe kantas,
kiel la bibliaj Judoj
la transiron
el l’ Egiptuj’ malpura.Mi lante en ĝin blovas
la homan komprenilon.
Ĉiam silentante,
ĝi en si mem parolas
nur unuvortan lingvon:
MI.
Klerige: Literatura Forumo (2-a sesio)
Plia literatura rendevuo, por kleriĝi kaj inspiriĝi
Post la unua Literatura Forumo en septembro, dum la Monda Festivalo, la serio “Klerige” (sub la kunordigo de la komisiito de UEA pri Kulturo Claude Nourmont) proponas plian forumsesion, dum kiu eblos pliprofundiĝi en la Esperanto-literaturon per dialogo kun du el niaj konataj verkistoj.
Legi plu Klerige: Literatura Forumo (2-a sesio)