Sabate la 19an de Decembro 2020 ekde 13:00 UTC, Legoklubo kunvenos rete por diskuti pri la romano de Fjodor Dostojevskij Blankaj Noktoj (elŝutebla en PDF kaj ePUB)
Bonvolu anonci vin en la evento-paĝo en Facebook por ricevi la kunven-ligilon.
Sabate la 19an de Decembro 2020 ekde 13:00 UTC, Legoklubo kunvenos rete por diskuti pri la romano de Fjodor Dostojevskij Blankaj Noktoj (elŝutebla en PDF kaj ePUB)
Bonvolu anonci vin en la evento-paĝo en Facebook por ricevi la kunven-ligilon.
ALVOKO AL PARTOPRENO EN LA 72a OKAZIGO DE LA BELARTAJ KONKURSOJ DE UEA, EN 2021
Geamikoj, la Belartaj Konkursoj de UEA…
Afiŝita de Amikoj de Belartaj Konkursoj de UEA je la Vendredo, 27-a de novembro 2020
Legu ankaǔ la gazetaran komunikon de UEA pri la alvoko!
Sabate la 21an de Novembro 2020, ekde 13:30 ĝis la 15:30 UTC, Legoklubo kunvenos rete por diskuti du verkojn gajnintajn premion en Belartaj Konkursoj:
Bonvolu anonci vin en la evento-paĝo en Facebook por ricevi la kunven-ligilon.
Plurfoje la E-elsendoj de Pola RetRadio informis pri Omaĝevento honore al kroata verkistino kaj tradukistino Lucija…
Afiŝita de Pola Retradio en Esperanto je la Merkredo, 18-a de novembro 2020
Legoklubo, grupo en Facebook, anoncas novan kunvenon:
La 14an de Novembro ni faros diskuton pri la rakonto La pika damo de Aleksandr Puŝkin. Vi povas ĝin trovi senpage en la jena ligilo:
http://esperanto-ondo.ru/Libroj/Libroj.php
Carmel Mallia hodiaǔ festas la 91an datrevenon de sia naskiĝo. Li naskiĝis la 9an de novembro 1929 en Malto, publikigis multajn librojn kaj gajnis literaturajn premiojn. Liaj poemoj aperis ankaǔ en Esperanta Antologio redaktita de William Auld
Mia penso
Ĉirkaŭata
de l’ silenta harmonio de l’ naturo,
dancas mia pens’ kun sia memo
al la ebriiga ritmo ĉiutaga.Mi sentas mian penson
puriĝanta,
kiel en la tutunua sunleviĝo
disiĝis de la ter’ la firmamento.Ĝi nudas, kiel en Edeno paradiza
sin mem amante.
Ĝi triumfe kantas,
kiel la bibliaj Judoj
la transiron
el l’ Egiptuj’ malpura.Mi lante en ĝin blovas
la homan komprenilon.
Ĉiam silentante,
ĝi en si mem parolas
nur unuvortan lingvon:
MI.
Plia literatura rendevuo, por kleriĝi kaj inspiriĝi
Post la unua Literatura Forumo en septembro, dum la Monda Festivalo, la serio “Klerige” (sub la kunordigo de la komisiito de UEA pri Kulturo Claude Nourmont) proponas plian forumsesion, dum kiu eblos pliprofundiĝi en la Esperanto-literaturon per dialogo kun du el niaj konataj verkistoj.
Legi plu Klerige: Literatura Forumo (2-a sesio)